238               TESTAMENTS ENREGISTRÉS AU PARLEMENT DE PARIS            (478)
Item, elle laissa au pardon de Saint Jaque*s du Hault Pas quatre es­cus, valent quatre livres dix solz Tournois.
Item, elle donna et laissa à la fabrique de îa dicte eglise de Ferrieres, pour une fois, cinquante livres Tournois.
Item, elle ordena et laissa cent escus d'or pour faire faire, mener et asseoir en la dicte eglise de Ferrieres une tumbe sur sa sepulture, la­quelle sera faicte à l'ordenance de ses dis executeurs.
Item, ycelle testateresse ordonna et laissa, pour donner et distri­buer aux povres pour Dieu, pour prier pour l'ame d'elle, la somme de deux cens livres Tournois pour une fois.
Item, elle laissa et donna, et voult estre donné par ses dis executeurs à quatre povres eglises dremprès et entour la dicte ville de Ferrieres, c'est assavoir, à chascune des dictes quatre eglises vint livres Tournois, pour convertir et employer en aournemens d'église.
Item, laissa et donna pour une foiz à la contrarié de Nostre Dame aux Bourgois de Paris vint livres Tournois.
Item, Ja dicte testateresse volt et ordena que à tousjour mais per-petuelment chascun jour de l'an, soit dicte et célébrée messe en la dicte eglise de Ferrieres en Brie pour le salut et remede des ames d'icelle testateresse, du dit Jaques son mary, et de leurs peres et meres, pa­rens et amis trespassez, et pour ce faire, avoir et continuer perpetuel-ment, elle laissa et ordena cinquante livres Tournois de rente annuel et perpétuel; et volt que aux fraiz et despens de son execucion, les dictes cinquante livres Tournois de rente annuel et perpétuel par ses executeurs soient assises, constituées et assignées en bons lieux et va­lables, comme bien revenans, et ycelle rente perpetuele volt et expres­sement ordena estre admortie, et tout au mieulx et plus seur que ce pourra estre fait pour la dicte messe à perpetuité.
Item, ycelle testaterresse laissa et ordena la somme de deux mile livres Tournois, et ycelle somme de deux mile livres Tournois volt estre baillée et delivrée à son confesseur, maistre Jehan Herault, cha­noine d'Aucerre, pour la distribuer et aumosner par le conseil du dit Jaques l'Empereur, son mary, et du dit maistre Jehan Herault.